أسناني !

أولاً شكرًا لزميلي محمد على البخاخ .
أسناني ، ما تعبني إلا أسناني و"أمور أخرى" ، دايم استخدم البنج ( بخاخ ) بس أخاف من زيادة الجرعة فيوقف قلبي أو افقد صوتي ( عضلات الحنجرة ) .
يوم الأربعاء 30 نوفمبر ، ستجرى لي عملية في فكي السفلي !
دعواتكم .

ليه مضغ العلك ؟

ضروري بعد الأكل تمضغ علك !
العلك يزيد اللعاب في ، ويساعد على غسل الفم خصوصًا بعد شرب الغازيات ، وهذا لا يمنع من أن تقوم بتفريش أسنانك قبل النوم . بل يجب عليك تنظيف أسنانك كل ليلة واجعلها عادة .

مواعيد عيادات كلية طب الأسنان

السلام عليكم ،
أولًا ، كلامي هذا لا يقصد به الإساءة لطلاب وطالبات طب الأسنان الأعزاء <3 .


بدأ الألم في ضرسي من الأسبوع قبل الماضي ، بسبب انكسار الحشوة .
دخلت عيادة طب الأسنان عن طريق الطواريء ، كشف الإنتيرن عليّ ، وفحص السن ، ثم أرسلني لقسم الأشعة ، وعدت له وسلمني ورقة موعد بعد إلقائه نظرة على الأشعة .


تحطمت من أول يوم ، ما خفف عني الألم حتى بدواء ! كشف عليّ وصور أشعة وأعطاني موعد ، أهنيك عزيزي "أحمد" أو "فهد" . كان على الأقل سويت لي خطة علاجية مثل زميلي عبدالرحيم العمري ! ولا سويت لي حتى تنظيف كأقل شيء !


أخذت الموعد واقعد اتصبر على الألم إلي بدأ يتطور ويجيني مع وقت الأكل (المضغ)
جاء يوم الموعد وانضغطت بالكلية وواجباتهم ، فرحت للعيادة للنيرس في النافذة رقم خمسة ، وطلبت منها تغيير الموعد لانشغالي هذا اليوم .
غيرت الموعد إلى 29 اكتوبر ، وانتظرت واتصبر "مع نفسي" وأعبي ماء في فمي ( تذكرت إلي يقول في فمي ماء ، واحد داعي عليّه إني جرب ؟ ) عشان الألم ومن هالحركات إلي تعرفونها تخفف الألم !
المهم جاء اليوم 29 اكتوبر ورحت لنفس النيرس في النافذة رقم خمسة ، وقالت بعد الحج !
أنا تفاجأت ، خير ! وش إلي بعد الحج ؟ تقول ما فيه كورس أو شيء زي كذا .


ولأن نفسي طيبة ووسيع صدر قلت طيب هاتي موعد ثاني ، وتروح الآفندية وتحط موعد من راسها إلي هو 15 نوفمبر ، وفي هالوقت أنا مو موجود بالرياض ، بأكون في تبوك عند أهلي ! ترد وتقول مو مشكلتها ! أعطيتها موعد أنا فاضي فيه وهو اليوم إلي بعده 16 نوفمبر تقول لا ما فيه ! 
قمت أقلب في جدولي في الجوال أشوف موعد ثاني لكن النيرس ما صدقت إني انشغل شوي راحت ختمت الورقة على 15 نوفمبر وأعطتني اياها . وسحبت علي . وبعدين ايش قصة الزجاج إلي بيني وبينها ، يرفع الضغط والله !
لا هي تسمعني ولا أنا اسمعها ! وبعدين ايش مناسبته تحطونه ؟ بنك ؟ ولا خايفين على النيرس من الاختطاف ؟
كلما أجي اتكلم معها افهما أحس فيه إعاقة أحس بشيء يعيقني في تواصلي معها لازم ادخل راسي مع الفتحة تحت عشان يوصل لها الصوت . أهنيكم والله :)


أخذت افكر ، وش قاعد يصير ؟ على كيفها ذي ؟ قمت أنا أخذت ورقتي وطلعت وقدام المراجعين كلهم قطعت الورقة ورميتها في الجدار من قوة الزعل والغبنة .


طول طريق الرجعة إلى البيت وأنا افكر في هالمهزلة إلي تعرضت لها وكم واحد يتعرض لها وألا أنا لوحدي ، مو قادر احصل على رعاية صحية لأسناني ، لازم أروح مستشفى خاص ادفع هذاك الحساب عشان اتعالج مثلًا ! شكلها بتصير كذا !




حسبنا الله ونعم الوكيل .




فيه فرصة أخيرة لي ، الإجازة القادمة بأسافر لأهلي وفيه عندهم هناك عيادة أسنان للعسكريين وعائلاتهم ، بأحاول قدر الإمكان استفيد منهم خلال الإجازة بدل المهزلة إلي هنا .




طلاب وطالبات طب الأسنان أنتم لا تعنيكم هذه التدوينة يوجد منكم الكثير من قام بمساعدتي ولهم جزيل الشكر سواءً في تويتر أو مقابلة شخصية .


شكرًا لـ(الأسننجيين) إلي منهم من أفادني بمعولمة أو نصيحة أو حتى تطمين وتعزيز نفسي .
د. نواف (د.نيفو) 
 د. ماجد الشهري
د. العصيمي
د. خولة
د. رفيف
د. هند الأسمري






د. لماجد الشهري :$
ترى شفتك << قل قسم ! :p
دخلت قسم الأشعة وألقاك واقف عندهم ، المشكلة من الربكة رحت جلست باستراحة الحريم شوية النيرس تصيح وتقول الجهة الثانية ! xD
ما كنت متهيأ أقابلك عشان ضرسي مضايقني ولا كان سلمت عليك !
شفت وجهي ؟ :D